انسان غلبان

انسان ضعيف غلبان عايش حياته بأمان
بيفكر فى يومه زيه زى أى انسان
من كتر خوفه يتقال عليه جبان
ما تفكر فيه مش يمكن محتاج حنان
من طفولته وهو واخد الحنان
فى مدرسته بيتعامل زى الحيوان
فى جامعته برضه زى ما كان
خلص دراسته ومعاه قيود كمان
راح يدور على شغل اتقاله مافيش مكان
أكيد البطالة موجودة فى كل زمان
يقولك الحل جاى من الأمريكان
ياخدوا ولادنا ويروحوا فى خبر كان
بيصدرولنا كل حاجة حتى اللبان
يقتلوا ملايين ويدافعوا عن حقوق الأنسان
فلسطين العراق وشيوخ افغانستان
وحتى ظلمهم ممتد للشيشان
وانصارهم دمروا كل شبر فى لبنان
طبعا فاهمين انى قصدى على الجيران
وتقولى بعد كل دا ان الأنسان جبان
عايش حياه ذل شقاء حرمان
طول ليله نايم جعان
وبشمس النهار طبعا عطشان
حياته محصورة بين اربع جدران
دى فى حالة ان معاه مسكن امان
فى طابور العيش واقف ظمآن
بالساعة والساعتين واقف حران
يمكن يترحم بالموت كفران
أفضل أكيد من العيشة زهقان
عرفتوا بأى انه مش بس جبان
والله صعب عليا دا طلع غلبان

جامد سندريلا
حاجة زي الفل
وعقبال الجاي

حلوة أوى وياريت المزيد .